Լրտեսական սկանդալ. Ավստրիայի ԱԳՆ ղեկավարը չեղարկել է իր այցը ՌԴ

Ավստրիայի կանցլեր Սեբաստիան Կուրցը հայտնել է, որ երկրի ԱԳՆ ղեկավար Կարին Կնայսլը չեղարկել է իր այցը ՌԴ  լրտեսական սկանդալի պատճառով. հայտնում է РИА Ноовсти-ն:

«Ներկայումս արդարադատությունը պետք է պարզի՝ արդյո՞ք կասկածները ճիշտ են: Հետագա գործողությունների վերաբերյալ որոշում կկայացնենք եվրոպացի գործընկերների հետ»,- նշել է Կուրցը:

Ավելի վաղ Kronen Zeitung պարբերականը տեղեկություն էր հրապարակել, ըստ որի՝ ԶՈւ նախկին գնդապետերից մեկը կասկածվում է 20 տարի շարունակ ՌԴ-ի օգտին լրտեսությամբ զբաղվելու մեջ:

Հիշեցնենք, որ ամռանը ՌԴ նախագահ Վլադիմիր Պուտինը մասնակցել էր Ավստրիայի ԱԳՆ ղեկավարի հարսանեկան արարողությանը: