Թուրքիայում կալանավորված ամերիկացի հոգևորականն ազատ է արձակվել

Թուրքիայում  ահաբեկչական համարվող կազմակերպության հետ կապ ունենալու մեղադրանքով արդեն 2 տարուց ավելի կալանքի տակ պահվող ամերիկացի հոգևորական Էնդրյու Բրանսոնի նկատմամբ դատարանը կայացրել է որոշում։

Ըստ Yenisafak-ի՝ մի քանի անգամ փոխվող դատական որոշումից հետո դատարանը, հաշվի  առնելով  բանտում Բրանսոնի անցկացրած ժամանակը, համարել է, որ ամերիկացի հոգևորականը կրել է իր պատիժը և ազատ է արձակել նրան։ Վերացվել է նաև Թուրքիայից դուրս գալու արգելքը։

Հիշեցնենք, որ Բրանսոնը մեղադրվում է Թուրքիայում ահաբեկչական համարվող ֆեթուլլահական կազմակերպության, Քուրդիստանի բանվորական կուսակցության հետ կապ ունենալու և լրտեսություն անելու մեջ: