Յուրաքանչյուրս էլ կարող ենք շփոթվել. նախարարը` Արարատի մարզպետի բացթողումների մասին

Կառավարության նիստից հետո լրագրողների հետ զրույցում ՀՀ տարածքային կառավարման նախարար Սուրեն Պապիկյանն անդրադարձավ հարցին՝ արդյո՞ք ոչ պրոֆեսիոնալ կադրերը կշարունակեն պաշտոնավարել: «Ոչ պրոֆեսիոնալ պաշտոնյաները չեն շարունակի պաշտոնավարել: Երկրորդ նկատողություն ստանալու դեպքում անձը հեռացվում է աշխատանքից»,- ասաց նա:

Լրագրողների դիտարկմանը, թե Արարատի մարզպետ Գարիկ Սարգսյանը հայտնի խորհրդակցության ժամանակ չէր տիրապետում անհրաժեշտ տեղեկատվությանը` չտարբերելով 40 հեկտարը 40 հազար հեկտարից, նախարարը պատասխանեց. «Արարատի մարզպետի պարագայում թվերի խնդիր է եղել, կարծում եմ՝ դա լուծելի խնդիր է, և յուրաքանչյուրս էլ կարող ենք շփոթվել: Պաշտոնյային, առավել ևս՝ քաղծառայողին, հենց այնպես չեն հեռացնում աշխատանքից, կա ընթացակարգ»: