ՀՀ-ում քաղաքական փոփոխություններից հետո Մոսկվան ու Երևանը շարունակում են համագործակցել. ՌԴ փոխարտգործնախարար

ՀՀ-ում քաղաքական փոփոխություններից հետո ռուս-հայկական երկխոսությունը բարձր և բարձրագույն մակարդակով շարունակվեց. հայտարարել է Ռուսաստանի արտգործնախարարի տեղակալ Գրիգորի Կարասինը Известия-ին տված հարցազրույցում:

Նրա խոսքով` հաշված ամիսների ընթացքում կայացել է Հայաստանի վարչապետ Նիկոլ Փաշինյանի հետ Ռուսաստանի Դաշնության նախագահ Վլադիմիր Պուտինի 3 և Ռուսաստանի վարչապետ Դմիտրի Մեդվեդևի հետ 2 հանդիպում, ղեկավարները շփվել են հեռախոսով:

«Ռուսաստանի և Հայաստանի համագործակցությունը շարունակվում է կոնկրետ ուղղություններով` չնայած այդ երկրում քաղաքական իրավիճակի անկայունությանը: Առևտրաշրջանառության աճը 2018 թվականի առաջին կիսամյակում, անցյալ տարվա նույն ժամանակահատվածի համեմատ, կազմել է 23,4 տոկոս՝ հասնելով 925,6 միլիոն դոլարի»,- հավելել  է Կարասինը: