Արտահերթ խորհրդարանական ընտրությունները կապ չունեն ներդրումների հետ. վարչապետի խորհրդականը հակառակն է ասում

Այսօր` կառավարության նիստից հետո, վարչապետի գլխավոր խորհրդական Արսեն Գասպարյանը լրագրողների հետ ճեպազրույցում անդրադարձավ ներդրումների և արտահերթ խորհրդարանական ընտրությունների միջև կապին:

Հիշեցնենք, որ վարչապետ Նիկոլ Փաշինյանը մի քանի անգամ հայտարարել էր, թե գրեթե բոլոր գործարարներն ու ներդրողները, շունչները պահած, սպասում են արտահերթ խորհրդարանական ընտրություններին, որպեսզի պլանավորեն իրենց անելիքները:

«Ներդրողները ոչ մի բանի չեն սպասում։ Օգոստոսին եւ սեպտեմբերին մեր գրասենյակ են այցելել բազմաթիվ ներդրողներ` աշխարհի տարբեր անկյուններից, նրանք շատ դրական են ընդունում Հայաստանում կատարված քաղաքական փոփոխությունները: Արտահերթ խորհրդարանական ընտրությունները ժողովրդի պահանջն են, բացարձակապես կապ չունեն ներդրողների հետ»,– ասաց Արսեն Գասպարյանը։