Լուկաշենկոն ԼՂ հիմնահարցը «գորդյան հանգույց» է համարում

Բելառուսի նախագահ Ալեքսանդր Լուկաշենկոն հայտնել է, որ իր ռուս գործընկեր Վլադիմիր Պուտինի հետ քննարկել է Միութենական պետության սահմանների մոտ ՆԱՏՕ-ի գործողությունները. հայտնում է РИА Новости-ն:

Հիշեցնենք, որ Լուկաշենկոն ու Պուտինն ուրբաթ մասնակցել են Տաջիկստանում անցկացված` ԱՊՀ երկրների ղեկավարների գագաթնաժողովին:

Լուկաշենկոն մանրամասներ չի ներկայացրել զրույցից, սակայն նաև ուշադրություն է հրավիրել այն հանգամանքի վրա, որ անվտանգության ոլորտում գերիշխող են նաև այլ՝ ռազմական գործոնները, որոնք քննարկվել են Դուշանբեում:

«Ուկրաինայի արևելքի, Մերձդնեստրի, հատկապես՝ Լեռնային Ղարաբաղի հարցերը: Մենք պետք է ինչ-որ կերպ կազմակերպվենք ու քանդենք այդ և շատ այլ, գորդյան հանգույցները»,- հավելել է նա: