Սկրիպալների գործով կասկածյալներն անհետացել են Սիմոնյանին տված հարցազրույցից հետո

Ռուսաստանի քաղաքացիներ Ալեքսանդր Պետրովը և Ռուսլան Բոշիրովը, որոնք Լոնդոնի կողմից կասկածվում են ռուսական հետախուզական ծառայության նախկին աշխատակից Սերգեյ Սկրիպալի և նրա դստեր թունավորման մեջ, անհետացել են RT-ի գլխավոր խմբագիր Մարգարիտա Սիմոնյանին տված հարցազրույցից հետո. հայտնում է versia.ru-ն:

Սիմոնյանը պատմել է BBC Newsnight-ին, որ Պետրովն ու Բոշիրովը խոստացել են ուղարկել իրենց լուսանկարները Սոլսբերիի տաճարի ֆոնին, սակայն դա դեռ չեն արել: Նրա խոսքով` ինքը փորձել է  զանգահարել նրանց այն հեռախոսահամարով, որով նրանք զանգահարել էին, սակայն այն անհասանելի էր:

Սիմոնյանը նաև հայտնել է, որ կասկածյալները նշել էին, որ առաջին ու վերջին անգամ են հարցազրույց տալիս լրագրողներին: