Մեր երգիչ-երգչուհիները հայրենասիրական երգեր են երգում, բայց տասնամյակներ շարունակ հայտարարագրեր չեն ներկայացնում. ՊԵԿ նախագահ

Ըստ ՊԵԿ նախագահ Դավիթ Անանյանի՝  մշակույթի ոլորտում առկա է հարկերը չվճարելու մշակույթ: Այս մասին նա ասաց լրագրողներ հետ հանդիպման ժամանակ:

«Օրինակ՝ ունենք սիրված երգիչներ ու երգչուհիներ, նրանք հայրենասիրական երգեր են կատարում, բայց որևէ երգիչ-երգչուհի տարեկան եկամուտների հայտարարագիր չի ներկայացրել»,- ասաց ՊԵԿ նախագահը:

Ըստ Անանյանի՝ հարսանիքներում նրանք երգերի դիմաց որոշակի գումար են պահանջում, որի համար պետք է հարկեր վճարեն, ու նման օրինական պահանջ կա արդեն 25 տարի:

ՊԵԿ նախագահը նշեց, որ դեռևս խորհրդային տարիներից մեր մեջ նստած է՝ պետությանը խաբելը հարգանքի է արժանի: «Մենք ունենք այնպիսի կանխավարկած, որ բոլոր հարկ վճարողները որևէ ձևով ցանկություն ունեն խուսափելու հարկերի վճարումից»,- հավելեց նա: