ԿՀՎ-ին տասնամյակներ շարունակ հասու է եղել թե՛ հակառակորդների, թե՛ դաշնակիցների գաղտնի տեղեկատվությունը

Աշխարհի բոլոր կառավարությունները տասնամյակներ շարունակ իրենց գաղտնիքները՝ լրտեսական, ռազմական, դիվանագիտական, վստահել են շվեյցարական Crypto AG ընկերության գաղտնագրող ու հեռահաղորդակցային տեխնիկային: Ընկերությունն առաջատարն էր այդ շուկայում 20-րդ դարի կեսերից մինչև 21-րդ դարի սկիզբը: Նրա տեխնիկայից էին օգտվում լատինաամերիկյան ռազմական խունտաները, Իրանը, Հնդկաստանը, Պակիստանը, նույնիսկ՝ Վատիկանը (ի դեպ, ԽՍՀՄ-ն ու Չինաստանը չեն օգտվել ընկերության ծառայություններից) և անգամ չեն էլ մտածել, որ Crypto AG-ը ԱՄՆ Կենտրոնական հետախուզական վարչության և արևմտագերմանական հետախուզության համատեղ ընկերությունն է, ինչի շնորհիվ այդ կառույցներին հասու էին լինում այլ երկրների գաղտնիքները, հեշտությամբ կոտրում էին կոդեր: Ըստ yerkir.am-ի՝ դա հայտնի է դարձել ամերիկյան The Washington Post թերթի և գերմանական ZDF հեռուստաալիքի համատեղ հետաքննության ընթացքում:

ԿՀՎ-ի զեկույցը, որն ընկել է վերը նշված լրատվամիջոցների ձեռքը, գործողությունը որակում է «դարի հետախուզական հաջողություն»:

The Washington Post-ը գրում է, որ գերմանական հեռախուզությունն ընկերության իր մասնաբաժինը վաճառել է 1990-ականների սկզբին, սակայն ԿՀՎ-ն շարունակում էր ընկերության սեփականատերը լինել մինչև 2018 թվականը: