Փորձության պահին վերանում է Սփյուռք-Հայրենիք բաժանարար գիծը. Դավիթ Տոնոյանը` Հ.Մ.Ը.Մ.-ականներին. տեսանյութ

Հայաստանում անցկացվող Հայ մարմնակրթական ընդհանուր միության 100-ամյակի շրջանակներում  համա-Հ.Մ.Ը.Մ.-ական 11-րդ բանակումին մասնակցելու համար հայրենիք ժամանած 1200 սկաուտներ երեկ հյուրընկալվել են ՀՀ ՊՆ Վազգեն Սարգսյանի անվան ռազմական համալսարանում:

ՀՀ ՊՆ Դավիթ Տոնոյանը ողջունել է սկաուտներին` բարձր գնահատելով Հ.Մ.Ը.Մ.-ի բազմամյա վաստակը:

«Փորձության պահին վերանում է Սփյուռք-Հայրենիք բաժանարար գիծը»,- դիմելով սկաուներին` ասել է  Տոնոյանը և վստահություն  հայտնել, որ այցելությունը ռազմական կրթօջախ սփյուռքահայ պատանիներին կդարձնի էլ ավելի հպարտ և հայրենապաշտ:

Ելույթի ավարտին պաշտպանության նախարարին Հ.Մ.Ը.Մ.-ի խորհրդանշական հուշանվեր է փոխանցվել:

Մանրամասները` տեսանյութում: