Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Առաջին փոխվարչապետ Արարատ Միրզոյանի մամուլի խոսնակ Կարպիս Փաշոյանը իր ֆեյսբուքյան էջում տեղեկացնում է, որ հրաժարականի դիմում է ներկայացրել:
«Ընկերներ, լավ լուր ունեմ:
Որոշեցի հրաժարական տալ և վաղը առավոտյան հրաժարականի դիմումը կլինի ՀՀ առաջին փոխվարչապետ Արարատ Միրզոյանի աշխատասեղանին: Շարունակելու եմ անվերապահորեն աջակցել Միրզոյանին և նրա թիմին:
Արտառոց ոչինչ տեղի չի ունեցել, պարզապես բանականությունը պարտվեց ռազմահայրենասիրական շիզոֆրենիային, կյանքը ցույց կտա, թե ովքեր են անարգում հերոսների հիշատակը: Բարին ընդ ձեզ»,- գրել է նա:
Հիշեցնենք, որ Կարպիս Փաշոյանը իր հարցազրույցներից մեկում խոսելով ապրիլյան պատերազմի հերոս Ռոբերտ Աբաջյանի մասին, ասել է.«Մանկահասակ դեմքով տղա։ Երևի էդ պահին չի էլ հասկացել՝ ինչ է կատարվում, և հիմա մենք անընդհատ շահարկում ենք այդ անունը։ 18 տարեկան տղա…»: Նրա այս խոսքերը մեծ վրդովմունք էին առաջացրել հասարակական լայն շրջանակներում: