Պուտինը հանդիպել է Բոլթոնի հետ

Ռուս-ամերիկյան հարաբերություններն այնքան էլ լավ վիճակում չեն: Այդ մասին ասել է ՌԴ նախագահ Վլադիմիր Պուտինը Մոսկվայում ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ հանդիպման ժամանակ. հայտնում է ТАСС-ը:

«Ցավով պետք է արձանագրեմ, որ ռուս-ամերիկյան հարաբերությունները լավ վիճակում չեն… Դա մեծ մասամբ հենց  Նահանգներում սուր ներքաղաքական պայքարի արդյունք է»,- ասել է նա:

ՌԴ նախագահը նաև նշել է, որ Բոլթոնի այցը Մոսկվա հույս  է ներշնչում, որ Ռուսաստանը և ԱՄՆ-ը կկարողանան անել հարաբերությունների վերականգնմանն ուղղված առաջին քայլերը:

Բոլթոնն, իր հերթին, նշել է, որ ցանկանում է քննարկել ՌԴ նախագահի հետ ՌԴ-ի և ԱՄՆ-ի հարաբերությունների բարելավումը: