ԱԱ-2018. Ռուսաստանը դուրս եկավ փլեյ-օֆֆ. Լեհաստանն ու Կոլումբիան պարտվեցին

Ռուսաստանում ընթացող ֆուտբոլի Աշխարհի առաջնությունում խաղային հերթական օրվա մեկնարկը տրվեց Սարանսկում, որտեղ Կոլումբիայի հավաքականը 1:2 հաշվով պարտվեց Ճապոնիայի հավաքականին:

Արդեն 3-րդ րոպեին կոլումբիացիները մնացին 10 հոգով, իսկ նշանակված 11 մետրանոց հարվածն անվրեպ իրացրեց Կագավան: Մինչ ընդմիջման գնալը կոլումնբիացիները հավասարեցրեցին հաշիվը, սակայն խաղավերջում ծագող արևի երկրի հավաքականը կարողացավ խփել հաղթական գոլը:

Լեհաստանի ընտրանին Մոսկվայում 1:2 հաշվով պարտվեց Սենեգալին: Լեհերը 0:2 հաշվով պարտվելիս միայն խաղավերջում կարողացան խփել հեղինակության գնդակ:

Օրվա վերջին խաղում տանտերերը՝ Ռուսաստանի հավաքականն ԱԱ-2018-ի իր 2-րդ խաղում նույնպես հաղթանակ տարավ՝ առավելության հասնելով Եգիպտոսի ընտրանու նկատմամբ:

47-րդ րոպեին ինքնագոլի արդյունքում Ռուսաստանը առաջ անցավ հաշվի մեջ: 59-րդ րոպեին Չերիշևը կրկնապատկեց Ռուսաստանի հավաքականի առավելությունը, իսկ րոպոներ անց Ձյուբան հաշիվը դարձրեց 3:0: 73-րդ րոպեին Մուհամեդ Սալահը դիպուկ իրացրեց 11 մետրանոց հարվածը: Ռուսաստանի հավաքականը հաղթեց 3:1հաշվով եւ գործնականում ապահվեց իր տեղը փլեյ-օֆֆում: