Կողմ եմ 12-ամյա կրթությանը, բայց պետք է այլ բովանդակություն հաղորդենք դրան. ԿԳ նախարար

ԿԳ նախարար Արայիկ Հարությունյանը կողմ է 12-ամյա կրթական համակարգին, բայց պետք է այլ բովանդակություն հաղորդել դրան: «Լուրերը՝ իբրև ես կողմ եմ 10-ամյա կրթությանը, սոցիալական կայքերում կեղծ էջեր ունեցող մարդիկ են տարածում»,- ԱԺ-ում 2017-ի բյուջեի ծախսերի մասին հարցուպատասխանի ժամանակ ասաց նա:

Նախարարը նշեց, որ երեխաների համար սովորելը դարձել է պարտականություն, և պետք է ամեն ինչ անեն, որ դպրոց գնալը դառնա հաճելի: «Երեխաները պետք է դպրոց  գնան հաճույքով, ոչ թե ուղղակի իրենց պարտավորված զգալով: Բազմաթիվ բողոքներ կան, որ ավագ դպրոցում, հատկապես՝ վերջին կիսամյակում, աշակերտները չեն հաճախում դասի, դասերի բովանդակությունն էլ այն չէ»,- ասաց Հովհաննիսյանը՝ հավելելով, որ Հայաստանը նաև Բոլոնյան համակարգի անդամ է և չի կարող անցնել 10-ամյա կրթության: