Ոչ մի խնդիր այս պահին ՊՆ-ն չի տեսնում. Տոնոյանը` Նախիջևանի սահմանին ադրբեջանական զինուժի դիրքերի տեղափոխման մասին

Այսօր` կառավարության նիստից հետո, լրագրողների հետ ճեպազրույցում պաշտպանության նախարար Դավիթ Տոնոյանն անդրադարձավ Նախիջևանի սահմանին ադրբեջանական զինուժի կուտակման և դիրքերի փոփոխության վերաբերյալ տեղեկություններին: Նա նշեց, որ պաշտպանության նախարարությունը ադրբեջանական դիրքերի տեղափոխման հետ կապված ոչ մի մտահոգություն չունի:

«Իրավիճակը ամբողջովին վերահսկելի է, և մենք մեր արդյունավետ գործունեության միջոցով չեզոքացնում ենք դիրքերի ցանկացած տեղափոխում: Այս պահին ոչ մի միջամտության կարիք չկա, ոչ մի խնդիր այս պահին ՊՆ-ն չի տեսնում: ՀԱՊԿ-ի ներգրավման խնդիր առհասարակ չկա»,- ասաց նախարարը` հավելելով, որ Արցախում սահմանին ևս մտահոգիչ իրավիճակ չկա:

Ինչ վերաբերում է իր այցին Նախիջևանի սահման, ապա դա պայմանավորված է եղել նրանով, որ ԱԳ նախարարն էր ցանկացել ծանոթանալ իրավիճակին: