Մենք չենք տեսնում որևէ արգելք, որպեսզի լինեն ԱԺ արտահերթ ընտրություններ. ՀՀԿ

Այսօր տեղի է ունեցել ՀՀԿ ԳՄ հերթական նիստը, որի ավարտից հետո լրագրողների հարցերին է պատասխանել նախկին արդարադատության նախարար Դավիթ Հարությունյանը:

Նա նշեց, որ  ՀՀԿ-ն պատրաստ է թե ընտրական օրենսգրքի շուրջ, թե արտահերթ ընտրությունների վերաբերյալ քննարկումների, սակայն համարում են, որ այդ քննարկումները պետք է տեղի ունենան ԱԺ-ում ներկայացված բոլոր քաղաքական ուժերի միջև: Հարցին, թե արդյո՞ք դա նշանակում է որ ՀՀԿ-ն պատրաստ է արտահերթ խորհրդարանական ընտրություններին, Դավիթ Հարությունյանը պատասխանեց.

«Մենք չենք տեսնում որևէ արգելք, որպեսզի լինեն արտահերթ ընտրություններ: Մենք պատրաստ ենք քննարկել արտահերթ ընտրության հարցը: Մեզ համար որևէ փակ կամ չքննարկվող հարց` ընտրությունների վերաբերյալ, չկա»,- ասաց նա: