Եթե ընտրություններում հաղթենք, բոլորը պիտի հարգեն մեզ. Էրդողան

Թուրքիայի նախագահ Ռեջեփ Թայիփ Էրդողանը հայտարարություններով է հանդես եկել առաջիկայում կայանալիք արտահերթ ընտրությունների մասին:

Ըստ Demokrathaber-ի` Էրդողանը նշել է, որ իրենք ամեն ինչ անելու են` ընտրություններում հաղթանակի հասնելու համար, սակայն դա դեռ չի նշանակում, որ իրենք չեն հարգի հաղթողին:

«Թուրքերն աշխարհի բոլոր անկյուններից կկարողանան մասնակցել ընտրություններին: Թե ո՞վ կլինի հաղթողը, կպարզվի արդյունքներից: Եթե մենք կրկին հաղթենք, բոլորը պիտի հարգեն մեզ, իսկ եթե չհաղթենք, կհարգենք նրան, ով հաղթել է: Այսքան պարզ է ամեն ինչ»,- ասել է նա:

Նշենք, որ Թուրքիայում արտահերթ ընտրությունները կկայանան հունիսի 24-ին: