Թբիլիսիի ցուցարարները հայտարարել են մեկ շաբաթով հանրահավաքները դադարեցնելու մասին

Վրաստանի խորհրդարանի շենքի մոտ Թբիլիսիի գիշերային ակումբներում հատուկ գործողության դեմ բողոքի ակցիայի կազմակերպիչները հայտարարել են մեկ շաբաթով հանրահավաքները դադարեցնելու մասին: Նրանք ժամանակ են տվել ներքին գործերի նախարարությանը` կատարել իրենց առաջադրված պահանջները: Այդ մասին հայտարարել է «Սպիտակ աղմուկ շարժման» առաջնորդ Բեկա Ցիկարիշվիլին. հայտնում է Sputnik-Грузия-ն:

Վրաստանի ներքին գործերի նախարարը կիրակի երեկոյան հրապարակային ներողություն էր խնդրել գիշերային ակումբների այցելուներից, ովքեր իրենց վիրավորված են զգացել ոստիկանության գործողություններից, և խոստացել էր պարզել բոլոր հանգամանքները:

Հատուկ գործողությունն անցկացվել էր թմրանյութի վաճառքով զբաղվող անձանց ձերբակալության համար: