Ցուցարարները, հանրահավաքին ընդառաջ, բացում են փողոցները

«Իմ քայլը» շարժման առանջորդ Նիկոլ Փաշինյանը շուրջ մեկ ժամ առաջ հորդորել էր ժամը 17.00-ին բացել բոլոր ճանապարհները և շարժվել դեպի Հանրապետության հրապարակ, որտեղ ժամը 19.00-ին տեղի կունենա հանրահավաք: Նա հայտարարել էր, որ ամեն րոպե սպասում են զարգացումների: «Եթե դրանք չլինեն, մենք այլ տարբերակներ ունենք»,- ասել է Փաշինյանը: 

Հիմա, հանրահավաքին ընդառաջ, ցուցարարները դադարեցնում են շրջափակումը և շարժվում Հանրապետության հրապարակ:

Հիշեցնենք, որ երեկ վարչապետ չընտրվելուց հետո Փաշինյանը հրապարակից հայտարարեց, որ այսօր` առավոտյան ժամը 8:15-ից, ժողովուրդը պետք է փակի բոլոր միջպետական ճանապարհները և գնա համընդհանուր գործադուլի ու դասադուլի: Փողոցները փակվել էին ոչ միայն մայրաքաղաքում, այլև ՀՀ ամբողջ տարածքում: