Այսօր մինչև ժամը 18:00-ն վարչապետի թեկնածության առաջադրման հնարավորություն կա

«Ելք» խմբակցության ղեկավար Նիկոլ Փաշինյանը հանդիպում է ՀՀԿ խմբակցության պատգամավորների հետ:

Խմբակցության ղեկավար Վահրամ Բաղդասարյանը տեղեկացրեց, որ այսօր մինչև ժամը 18-ը դեռ թեկնածուների առաջադրման հնարավորություն կա:

Փաշինյանը նշեց, որ, իրավիճակը գնահատելով, ուրախ է, որ ներքաղաքական ճգնաժամը քննարկումների միջոցով հաղթահարելու հնարավորություն կա: «Մենք տրամադրված ենք ամբողջությամբ օգտագործել այդ հնարավորությունը: Վերջին շրջանում տեղի ունեցած իրադարձությունները շատ մեծ դրական էներգիա են կուտակել, և բոլոր քաղաքական ուժերի պարտավորությունն է, որ այդ էներգիան ծառայի ՀՀ ժողովրդի բարօրությանը: Հասկանալի է, որ այս ընթացքում որոշակի լարվածություն է առաջացել, բայց նաև ուրախ եմ, որ դա չի խանգարում, որ նման քննարկումներ ունենանք»,- ասաց նա: