Այսուհետ դեղ կներկրեն նաև հիվանդանոցներն ու ֆիզիկական անձինք

«Դեղերի մասին» Հայաստանի Հանրապետության օրենքում լրացումներ կատարելու մասին նախագիծը ԱԺ-ն ընդունեց միաձայն:

Հիշեցնենք, որ նախագծով առաջարկվում էր, որ այն հիվանդանոցները, որոնք ունեն դեղերի պահպանման համապատասխան ծառայություններ, իրենց համար անհրաժեշտ դեղերը ներկրելու հնարավորություն ունենան: Նշենք, որ հիմա օրենքը թույլ է տալիս դեղեր ներկրել միայն մեծածախ լիցենզիա ունեցողներին:

Առաջարկվում էր նաև ֆիզիկական անձանց թույլ տալ դեղ ներմուծել: Նախատեսվում է յուրաքանչյուր ֆիզիկական անձի ուղղակի թույլատրել բերել դեղերի այն չափաբաժինը, որն օրենքով թույլատրված է, որ հարց չլինի, թե` ում համար ես բերում, փաստաթուղթ ցույց տուր, այսինքն՝ սխեման հեշտացվել է: