Ռուսաստանի դեմ ԱՄՆ նոր պատժամիջոցների տակ են հայտնվել ավելի քան 200 ընկերություններ և ֆիզիկական անձինք

ԱՄՆ-ը պատժամիջոցներ է սահմանել ավելի քան 200 ընկերությունների եւ ֆիզիկական անձանց դեմ, որոնք կապված են ռուսական էներգետիկ սեկտորի հետ, ինչպես նաեւ ավելի քան 180 նավերի, ասված է պետքարտուղար Էնթոնի Բլինքենի՝ ուրբաթ հրապարակված հայտարարության մեջ:

«Այսօր ԱՄՆ - ն պատժամիջոցներ է սահմանում Ռուսաստանի էներգետիկ սեկտորի հետ կապված ավելի քան 200 ընկերությունների և ֆիզիկական անձանց, ինչպես նաև ավելի քան 180 նավերի դեմ», - հայտարարել է ամերիկյան դիվանագիտության ղեկավարը:

Պատժամիջոցներն ուղղված են միջազգային շուկաներ Մոսկվայի մուտքի սահմանափակմանն ու նավթի ու գազի արտահանումից ստացվող եկամուտների կրճատմանը: Փաթեթի շրջանակներում սահմանափակումներ են մտցվում նաև էներգառեսուրսների արդյունահանման և վերամշակման հետ կապված ձեռնարկությունների, ինչպես նաև դրանց փոխադրման մեջ ներգրավված նավերի դեմ: