ՊՆ-ն 5 000 000 դրամ պատվովճարի չափ է սահմանել

Կառավարության վաղվա նիստի օրակարգում պաշտպանության նախարարությունը ներառել է որոշում, ըստ որի ՀՀ ՊՆ կողմից նշված վայրում և պայմաններում զինվորական ծառայություն անցնելու պայմանագիր կնքած  շարքային կազմի պարտադիր զինծառայողներին զինվորական ծառայությունից արձակելիս հաշվարկվող պատվովճարի առավելագույն չափը՝ 5 000 000 դրամ.

Ոլորտում իրականացվող քաղաքականությունն ուղղված է ապահովելու «Ես եմ» ծրագրով հռչակված՝ ՀՀ պաշտպանության նախարարության կողմից նշված վայրում և պայմաններում շարքային կազմի պարտադիր զինվորական ծառայություն անցած զինծառայողների համար սահմանված պատվովճարի հաշվարկման և տրման գործընթացի պատշաճ կազմակերպման և իրականացման հետ կապված հարաբերությունները:

Որոշման նախագծի համաձայն սահմանվում են ՀՀ պաշտպանության նախարարության կողմից նշված վայրում և պայմաններում շարքային կազմի պարտադիր զինվորական ծառայություն անցած զինծառայողներին հաշվարկվող պատվովճարի չափը, որը զինվորական ծառայության ժամկետը լրանալու հիմքով զինվորական ծառայությունից արձակելու դեպքում կազմում է 5.000.000 մլն դրամ, իսկ առողջական վիճակի պատճառով զինվորական ծառայության համար ոչ պիտանի ճանաչելու հիմքով ժամկետից շուտ զինվորական ծառայությունից արձակելու դեպքում հաշվարկվում է նշված գումարը 36 ամիսների վրա բաժանելու և ստացված մեկ ամսվա գումարը մինչև զինվորական ծառայությունից արձակելու ամիսը ներառյալ ծառայած ամիսների թվի վրա բազմապատկելու արդյունքում ստացված չափով, սահմանվում են պատվովճարի տնօրինման ուղղությունները` ՀՀ և Արցախի Հանրապետության պետական և հավատարմագրված ոչ պետական կամ օտարերկրյա պետությունների ուսումնական հաստատություններում միջին մասնագիտական և/կամ բարձրագույն և/կամ հետբուհական կրթական ծրագրերով ուսումնառության ուսման վարձի, ՀՀ-ում և Արցախի Հանրապետությունում կառուցված կամ կառուցվող բազմա­բնակարան բնակելի շենքում անմիջապես կառուցապատողից բնակարան ձեռք բերելու կամ անհատական բնակելի տուն կառուցելու նպատակով հիփոթեքային վարկի կանխավճարի և/կամ ամսական վճարի, ՀՀ-ում և Արցախի Հանրապետությունում գյուղատնտեսական (ֆերմերային) գործունեության (ներառյալ՝ գյուղատնտեսական տեխնիկայի լիզինգ) ֆինանսավորման միջոցով, նախատեսվում է այդ ուղղություններով վճարումների իրականացման կարգը: