Ավիափոխադրողներին զգուշացրել են Սիրիային հնարավոր հարված հասցնելու մասին

Ավիաանվտանգության եվրոպական գործակալությունը զգուշացում է հրապարակել` ուղղված ավիափոխադրողներին, որում ասվում է, որ առաջիկա 72 ժամվա ընթացքում Սիրիային կարող է հարված հասցվել. հայտնում է Говорит Москва-ն:

Խոսքը Միջերկրական ծովի արևելյան շրջանում երթուղիների մասին: Նշվում է, որ ավիահարվածների հետևանքով կարող են խափանումներ լինել նավիգացիայի և ռադիոսարքավորւմների համակարգի աշխատանքներում:

Ավելի վաղ  Associated Press-ը, ամերիկացի պաշտոնյաներին հղումով, գրել էր, որ ԱՄՆ-ը, Ֆրանսիան և Մեծ Բրիտանիան խորհրդակցություն են անցկացրել Սիրիային հարված հասցնելու վերաբերյալ` կապված սիրիական Դումա քաղաքում իրականացված քիմիական հարձակման հետ, սակայն վերջնական որոշում դեռ չի կայացվել: