ԱՄՆ-ը Պարսից ծոց է ուղարկել էսկադրային ականակիր՝ Սիրիային հարված հասցնելու համար. ՌԴ ՊՆ

ԱՄՆ-ը Պարսից ծոց է ուղարկել էսկադրային ականակիր՝ Սիրիային հարված հասցնելու համար: Այդ մասին հայտարարել է ՌԴ պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը. հայտնում է РИА Новости-ն:

Նրա խոսքով` օրեր առաջ Պարսից ծոց է ժամանել ամերիկյան The Sullivans էսկադրային ականակիրը՝ համալրված 56 թևավոր հրթիռներով, իսկ Քաթարի «Էլ Ուդեյդ» ավիաբազայում էլ վերատեղակայվել է В-1В ռազմավարական ռմբարկուն՝ զինված 24 թևավոր հրթիռներով:

Ըստ Կոնաշենկովի` ԱՄՆ-ի, Մեծ Բրիտանիայի և Ֆրանսիայի համար Սիրիային հերթական հարվածը հասցնելու պատճառ պետք է դառնա քիմիական զենքի մասին սադրանքը։ Ըստ ՌԴ ՊՆ տվյալների՝ սադրանքը պատրաստում են «Ջեբհաթ ան Նուսրա» ահաբեկչական խմբավորման անդամները։