Թրամփը մեկնաբանել է Պուտինի հետ իր հեռախոսազրույցը

ԱՄՆ նախագահ Դոնալդ Թրամփը իր թվիթերյան էջում մեկնաբանել է ՌԴ նախագահ Վլադիմիր Պուտինի հետ իր հեռախոսազրույցը` նշելով, որ Ռուսաստանի հետ պետք է հարաբերություններ կառուցել. հայտնում է Газета.ру-ն:

«ԶԼՄ-ները, որոնք fake news  են տարածում, խելագարվել են, քանի որ ցանկանում են, որ ես քննադատեմ նրան (Պուտինին): Ռուսաստանի հետ պետք է լավ հարաբերություններ ունենալ, դա լավ գործ է»,- գրել է նա:

ԱՄՆ նախագահը նաև հայտարարել է, որ Ռուսաստանը կարող է օգնել ԱՄՆ-ին` լուծել ԿԺԴՀ-ի, Սիրիայի, «Իսլամական պետություն» ահաբեկչական խմբավորման  և սպառազինության մրցավազքի հետ կապված հարցերը: Թրամփը նաև կոչ է արել խաղաղության հասնել ուժի ցուցադրման միջոցով: