Պուտինը և Թրամփը պայմանավորվել են հանդիպել. կայացել է նախագահների հեռախոսազրույցը

ՌԴ նախագահ Վլադիմիր Պուտինը և ԱՄՆ նախագահ Դոնալդ Թրամփը երեկ հեռախոսազրույց են ունեցել. հայտնում է Կրեմլի պաշտոնական կայքը:

Նախագահները քննարկել են Սիրիայում ահաբեկչության դեմ պայքարում Ռուսաստանի և ԱՄՆ-ի գործողությունների համակարգման հեռանկարները, ինչպես նաև մանրամասն քննարկել են իրավիճակը Կորեական թերակղզում:

Նշվում է, որ Պուտինը զսպվածության  և լարվածության մակարդակի նվազեցման կոչ է արել: 

Վլադիմիր Պուտինը և  Դոնալդ Թրամփը հեռախոսազրույցի ընթացքում պայմանավորվել են շարունակել շփումները հեռախոսով և կողմ են արտահայտվել անձնական հանդիպման անցկացմանը հուլիսին գերմանական Համբուրգում կայանալիք` G20-ի գագաթաժողովի շրջանակներում: