Աղջիկներ, գիտեմ՝ դուք ծխախոտ չեք օգտագործում. Էրդողան

Թուրքիայի նախագահ Ռեջեփ Թայիփ Էրդողանը անդրադարձել է երկրում ծխելու դեմ սկսված նախաձեռնություններին:

Ըստ Demokrathaber-ի՝ նա խոստովանել է, որ ամենամտերիմ ընկերներն անգամ խոստանում են թողնել ծխելը, սակայն որոշ ժամանակ անց վերադառնում են հին սովորություններին:

«Ասում են՝ վերջ, այլևս չենք ծխում, մեկ էլ խոսում ես հետը, մոտենում ես իրեն ու, կներեք արտահայտությանս համար, մեռելի հոտ է գալիս վրայից:  Երիտասարդնե'ր, ես ձեզ շատ եմ սիրում: Երբ տեսնում եմ դպրոցների դիմաց ծխողներին, ցավ եմ ապրում: Թույլ մի' տվեք, որ դա վնասի ձեզ: Եկեք Աստծո կողմից մեզ վստահված մարմինը միասին օգտագործենք»,- հայտարարել է Էրդողանը, ապա անուղղակիորեն իր վերաբերմունքն արտահայտել ծխող աղջիկների նկատմամբ. «Աղջիկնե'ր, գիտեմ՝ դուք ծխախոտ չեք էլ օգտագործում»: