Նախկին նախագահը կարող է դառնալ վարչապետ. թուրքական ԶԼՄ-ների արձագանքը՝ ՀՀ նախագահի ընտրությանը

Ժամեր առաջ ՀՀ ԱԺ-ում ավարտվեցին երկրի 4-րդ նախագահի ընտրությունները: Արմեն Սարգսյանն ընտրվեց ՀՀ 4-րդ նախագահ:

Թուրքական լրատվամիջոցներն արդեն արձագանքել են ՀՀ նախագահի ընտրությանը՝ մանրամասն ներկայացնելով համակարգի փոփոխության ընթացքը:

«Արմեն Սարգսյանը նախագահ է ընտրվել ձայների` 90 կողմ 10 դեմ հարաբերակցությամբ»,- «Հայտնի է ՀՀ նոր նախագահի անունը» վերնագրված նյութում նշել է թուրքական T24-ը:

Ընտրությանը անդրադարձել է նաև Bianet-ը: Վկայակոչելով հայկական լրատվամիջոցներ՝ կայքը նշել է, որ չի բացառվում՝ Հայաստանի` արդեն նախորդ նախագահ Սերժ Սարգսյանը կարող է դառնալ երկրի վարչապետ: «Սերժ Սարգսյանը նախագահի պաշտոնը Արմեն Սարգսյանին կհանձնի ապրիլի 9-ին»,- հավելել է կայքը: