Ոստիկանությունը կադրային փոփոխություններ է կատարում

Ոստիկանության ՊՊԾ գնդի հրամանատար Խաչիկ Ավետիսյանը ոստիկանապետ Վլադիմիր Գասպարյանի  հրամանով պաշտոնանկ է արվել։ ՊՊԾ գնդի հրամանատր է նշանակվել 5–րդ գումարտակի (Հրեշտակներ) հրամանատար Արթուր Խուդինյանը: Այս մասին Yerkir.am-ի հետ զրույցում ասաց ոստիկանության ԶԼՄ-ների հետ կապերի բաժնի պետ Էդգար Ջանոյանը: Ավետիսյանը նշանակվել է Կոտայքի մարզի ոստիկանապետի տեղակալ:

 Ջանոյանը հավելեց, որ ոստիկանապետի հրամանով ոստիկանության 23 ծառայողներ անցել են թոշակի, 9-ը ուղարկվել են կադրերի ռեզերվ, թափուր պաշտոնները զբաղեցրել են 21 ծառայողներ: Պաշտոնից ազատվել է Երևանի ոստիկանապետի անձնակազմի գծով տեղակալը, Սյունիքի, Կոտայքի, Արմավիրի մարզերի ոստիկանության վարչության պետերի տեղակալները: