Վարդենյաց լեռնանցքում մեքենաները ձյան մեջ են արգելափակվել

Հունվարի 23-ին, ժամը 13:32-ին տեղեկություն է ստացվել, որ Կոտայքի մարզի Արտավազդ գյուղի մոտակա սարի լանջին ավտոմեքենան արգելափակվել է ձյան մեջ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարներն արգելափակումից դուրս են բերել Nissan Xterra» մակնիշի 61 QՕ 666 պետհամարանիշով ավտոմեքենան (2 ուղևոր):

Հունվարի 23-ին, ժամը 01:40-ին ահազանգ է ստացվել, որ Վարդենյաց լեռնանցքում ավտոմեքենաներ են արգելափակվել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները Մարտունի-Գետափ ավտոճանապարհի 15-րդ կմ-ից արգելափակումից դուրս են բերել «ՎԱԶ-2106» մակնիշի 34 QQ 669 (վարորդ Հ. Ա. ) և «ՎԱԶ-2109» մակնիշի 34 AU 806 (վարորդ Դ. Է.) պետհամարանիշերով ավտոմեքենաները:

ԱԻՆ մամուլի ծառայություն