Մեքենաները արգելափակվել են ձյան և ցեխակույտի մեջ

Նոյեմբերի 22-ին, ժամը 18:45-ին ահազանգ է ստացվել, որ Ապարան-Ալագյազ ավտոճանապարհին տեղի է ունեցել ՃՏՊ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Ալագյազ-Ապարան ավտոճանապարհի 3-րդ կմ-ին «ԳԱԶ-3102» մակնիշի 34 QS 478 պետհամարանիշով ավտոմեքենան դուրս է եկել ճանապարհի երթևեկելի հատվածից և արգելափակվել ձյան շերտում:

Փրկարարներն ավտոմեքենան դուրս են բերել արգելափակումից:

***

Նոյեմբերի 22-ին, ժամը 11:52-ին ահազանգ է ստացվել, որ Երևան քաղաքի Վարդաշեն թաղամասում` Ջրվեժ գյուղից դեպի Վարդաշեն տանող հատվածում, ավտոմեքենան (ավտոքարշակ) արգելափակվել է ցեխակույտում. դուրս բերելու համար անհրաժեշտ է փրկարարների օգնությունը:

Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:  

Փրկարարները Mercedes մակնիշի 35 GM 995 պետհամարանիշով ավտոքարշակը դուրս են բերել արգելափակումից: