Լրագրության ոլորտում ևս անհրաժեշտություն է սերնդափոխությունը. հայտարարություն

Դեկտեմբերի 28-ին կայանալու է Հայաստանի ժուռնալիստների միության համագումարը, որն ընտրելու է միության վարչության նոր կազմ և ղեկավար։ Հայաստանի լրագրողական հանրության համար  այն կարևոր իրադարձություն է, առավել ևս, որ վերջին  երեք տասնամյակներում առաջին անգամ, կարծես, անցնելու է բաց, մրցակցային պայմաններում:

Ժուռնալիստների միությունը կարող է չափազանց կարևոր դերակատարում ունենալ լրագրության ոլորտում տեղի ունեցող գործընթացներում և մարտահրավերներում։ Ինչպես բոլոր ոլորտներում, Զանգվածային լրատվության միջոցների բնագավառում էլ կան կուտակված տասնյակ խնդիրներ՝ խոսքի ազատության, օրենսդրական դաշտի բարելավում,  IT հեղափոխության ազդեցություն, լրագրողական էթիկայի հետ կապված խնդիրներ, տպագիր և էլեկտրոնային մամուլին ուղղված մարտահրավերներ, լրագրողների հանդեպ ճնշումներ, և այլն:

Ժուռնալիստների միությունն այլ լրագրողական կազմակերպությունների հետ պետք է լինի այն հարթակը, որտեղ պետք է լուծվեն խնդիրներ, և առաջին հերթին՝ պետք է պաշտպանվեն լրագրողների իրավունքները և շահերը։

Մենք մեր ամբողջ գիտակից կյանքը նվիրել ենք լրագրությանը, սակայն Հայաստանի ժուռնալիստների միության անդամ չենք։

Մեր գործընկեր «168 Ժամ» թերթի գլխավոր խմբագիր, «Արմենիա» հեռուստաընկերության «Ռ-Էվոլյուցիա» հաղորդաշարի հեղինակ և վարող  Սաթիկ Սեյրանյանը, ինչպես հայտնի է արդեն, առաջադրվելու է՝ որպես Հայաստանի ժուռնալիստների միության նախագահի թեկնածու։ Ինչպես բոլոր ոլորտներում՝ լրագրության ոլորտում ևս պարզապես անհրաժեշտություն է սերնդափոխությունը։

Մենք՝ ներքոստորագրյալներս, մեր աջակցությունն ենք հայտնում պրոֆեսիոնալ լրագրող Սաթիկ Սեյրանյանի թեկնածությանը՝ համոզված լինելով, որ նրա ղեկավարությամբ միությունը կարող է իր լրջագույն մասնակցությունն ունենալ ոլորտի խնդիրների բարձրաձայնմանը և լուծմանը։

1. Արամ Աբրահամյան- «Առավոտ» թերթի գլխավոր խմբագիր
   1. Տիգրան Հակոբյան- Հայաստանի Հեռուստատեսության և ռադիոյի ազգային հանձնաժողովի անդամ, հրապարակախոս
   2. Հարություն Հարությունյան- Հանրային հեռուստաընկերության լրատվական քաղաքական հաղորդումների տնօրեն
   3. Աննա Իսրայելյան- Առցանց «Առավոտի» խմբագիր
   4. Մեսրոպ Մովսեսյան- Ա1+ հեռուստաընկերության նախագահ
   5. Արամ Անանյան- «Արմենպրես» պետական լրատվական գործակալության տնօրեն 
   6. Դմիտրի Պիսարենկո- «Sputnik-Արմենիա» լրատվական գործակալության և ռադիոյի ղեկավար
   7. Արտակ Ալեքսանյան- «Արմենիա» հեռուստաընկերության «Ժամը» լրատվական դեպարտամենտի ղեկավար
   8. Պետրոս Ղազարյան- «Կենտրոն» հեռուստաընկերության «Ուրվագիծ» հաղորդաշարի հեղինակ և վարող
   9. Գնել Նալբանդյան- «Արմենիա» հեռուստաընկերության «Ժամը» լրատվական դեպարտամենտի գլխավոր խմբագիր և «NewMag» ամսագրի գլխավոր խմբագիր
   10. Գեղամ Մանուկյան- «Երկիր մեդիա» հեռուստաընկերության լրատվական-քաղաքական ծրագրերի տնօրեն
   11. Գառնիկ Գևորգյան- «168 Ժամ» թերթի փոխխմբագիր, 168.am կայքի գլխավոր խմբագիր
   12. Արման Բաբաջանյան- 1in.am կայքի, «Ժամանակ-Երևան» թերթի գլխավոր խմբագիր
   13. Բաբկեն Թունյան- «168 Ժամ» թերթի և 168.am կայքի տնտեսական մեկնաբան,  b4b.am կայքի հիմնադիր, խմբագիր
   14. Հայկ Գևորգյան- «Հայկական Ժամանակ» օրաթերթի տնտեսական մեկնաբան
   15. Գագիկ Մկրտչյան- «Հայոց Աշխարհ» թերթի գլխավոր խմբագիր, ՀՀ վաստակավոր լրագրող
   16. Արմենիկա Կիվիրյան- NEWS.am-ի գլխավոր խմբագիր
   17. Թագուհի Թովմասյան - «Ժողովուրդ» թերթի գլխավոր խմբագիր
   18. Արամ Անտինյան- Tert.am-ի ղեկավար
   19. Դավիթ Ալավերդյան - «ՄեդիաՄաքս» մեդիաընկերության գլխավոր խմբագիր
   20. Արտակ Հերիքյան- Հանրային հեռուստատեսության «Օրակարգ» լրատվական ծառայության ղեկավար-պրոդյուսեր
   21. Հովհաննես Կոսյան- Aysor.am-ի գլխավոր խմբագիր
   22. Կարինե Քալանթարյան- Երևանի Բրյուսովի անվան լեզվահասարակագիտական համալսարանի լրագրության դասախոս
   23.  Սամվել Մարտիրոսյան- մեդիա փորձագետ
   24. Սպարտակ Սեյրանյան
   25. Վասակ Դարբինյան
   26. Արթուր Ազարյան- «Ճամփորդ» թերթի խմբագիր, լրագրող, հրապարակախոս
   27. Ագնեսա Խամոյան- Հանրային հեռուստատեսության «Օրակարգից դուրս» հաղորդաշարի հեղինակ, Yerkir.am կայքի խմբագիր
   28. Շողեր Մաթևոսյան- «Չորրորդ իշխանություն» թերթի գլխավոր խմբագիր
   29. Սամվել Սարգսյան- «Հայաստանի Հանրապետություն» թերթի պատասխանատու քարտուղար, վաստակավոր լրագրող
   30. Կարեն Զախարյան- «Դե-ֆակտո» լրատվական գործակալության գլխավոր խմբագիր
   31. Արթուր Խեմչյան- NEWS.am լրատվական վերլուծական գործակալության հայկական բաժնի խմբագիր
   32. Արա Գալոյան- «168 Ժամ» թերթի տնտեսական մեկնաբան
   33. Հակոբ Բադալյան- Lragir.am-ի քաղաքական մեկնաբան
   34. Ռուզան Խաչատրյան- լրագրող
   35. Արտակ Եղիազարյան- NEWS.am լրատվական-վերլուծական գործակալության համակարգող
   36. Կոնստանտին Տեր-Նակալյան- Blognews.am կայքի գլխավոր խմբագիր
   37. Լևոն Սարդարյան- քաղաքական մեկնաբան
   38. Գևորգ Ավչյան- տնտեսական լրագրող
   39. Աննա Բաղդասարյան- Տնտեսական լրագրողների ակումբի գործադիր տնօրեն
   40. Ռուբեն Մեհրաբյան- Առցանց «Առավոտի» ռուսական բաժնի խմբագիր