Էրդողանի կին կուսակիցը, լկտի հայտարարություններ հնչեցնելով, հարձակվել է Կարո Փայլանի վրա

Թուրքիայի մեջլիսում հերթական հարձակման փորձն է եղել քրդամետ Ժողովուրդների դեմոկրատական կուսակցության հայ պատգամավոր Կարո Փայլանի վրա:

Ըստ Demokrathaber-ի՝ իշխող «Արդարություն և զարգացում» կուսակցության հետ կապ ունեցող կասկածելի փաստաթղթերը վերանայելու՝ Փայլանի կոչից հետո այդ կուսակցությյունից կին փոխնախագահ Իլքնուր Ինջեոզը վիրավորանք և ատելություն պարունակող հայտարարություններ է հնչեցրել Փայլանի հասցեին:

«Դուք վերջին անձն եք, անգամ վերջին անձը չեք կարող լինել, ումից բարոյականության դասեր կարող ենք ստանալ: Սա անպայման պետք է ասեմ՝ դու ամենավերջին անձն անգամ չես այս խորհրդարանում»,- Փայլանին ասել է ԱԶԿ-ականը:

Հայ պատգամավորը պատասխանել է՝ ասելով. «Անբարոյականություն մի' արեք»:

Այս խոսքերից հետո ԱԶԿ-ական Ինջեոզը փորձել է հարձակվել Փայլանի վրա: Վեճի թեժացումից հետո խորհրդարանի նիստը որոշ ժամանակով դադարեցվել է:

Միջադեպի մասին այլ մանրամասներ չեն հաղորդվում: