Ամերիկացի զինվորականները մեկնում են Թուրքիա

Դեկտեմբերի 12-ին Թուրքիա կմեկնեն Եվրոպայում ԱՄՆ-ի միացյալ ուժերի գլխավոր հրամանատար Քյորթիս Սքապարոտտին և ԱՄՆ-ի  զինված ուժերի կենտրոնական հրամանատարության գեներալ Ջոզեֆ Վոթելը. տեղեկացնում է Ermenihaber-ը:

Ըստ թուրքական «Haber» լրատվակայքի՝ ամերիկացի պաշտոնյաները կհանդիպեն Թուրքիայի զինուժի գլխավոր շտաբի պետ, բանակի գեներալ Հուլուսի Աքարի հետ:

Հանդիպման ժամանակ կքննարկվի Սիրիայի քրդերին զինաթափելու հարցը: Աղբյուրը նշում է, որ թուրք պաշտոնյան պահանջելու է, որ Սիրիայի քրդական ուժերը լքեն թուրք-սիրիական սահմանագծին մոտ գտնվող տարածքները:

Բացի վերանշյալ հարցից, կողմերը կքննարկեն ՆԱՏՕ-Թուրքիա հարաբերություններում լարվածություն առաջացրած վերջին դեպքը, երբ նորվեգիական Սթավանգար քաղաքում անցկացվող զորավարժության ընթացքում ներկայացվել էր ցուցանակ, որում որպես թշնամի էին ներկայացվել Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթյուրքը և ներկայիս նախագահ Ռեջեփ Թայիփ Էրդողանը: