Սոչիում կայացել է Պուտինի և Ասադի հանդիպումը

Սոչի քաղաքում կայացել է Ռուսաստանի Դաշնության նախագահ Վլադիմիր Պուտինի և Սիրիայի նախագահ Բաշար Ասադի հանդիպումը. հայտնում է РИА новости-ն:

Ասադը նշել է, որ երկու տարվա ընթացքում ակնհայտ են այն հաջողությունները, որոնց հաջողվել է հասնել ռուսական ավիացիայի և կառավարական զորքերի համատեղ գործողությունների շնորհիվ: Նա նշել է, որ Ռուսաստանի շնորհիվ Սիրիան փրկված է` որպես պետություն:

Պուտինն, իր հերթին, հույս է հայտնել, որ շուտով Սիրիայում ահաբեկչության դեմ պայքարը կավարտվի: Նա նշել է, որ չնայած հաջողություններին, օջախներ դեռ կլինեն: Ըստ Պուտինի` ներկայումս կարևոր է անցնել քաղաքական կարգավորմանը: Նա հավելել է, որ Ասադը պատրաստ է աշխատել բոլոր նրանց հետո, ովքեր խաղաղություն և կարգավորում են ցանկանում: