Սոչիում կայացել է Մեդվեդև-Աբրահամյան հանդիպումը (ՏԵՍԱՆՅՈՒԹ)

Սոչիում այսօր կայացել է  Հայաստանի և Ռուսաստանի վարչապետներ Հովիկ Աբրահամյանի և Դմիտրի Մեդվեդևի հանդիպումը. հայտնում է РИА Новости-ն։

Բացելով հանդիպումը՝ Մեդվեդևը նշել է, որ այս հանդիպումը լավ հնարավորություն է քննարկելու հայ-ռուսական հարաբերություններին վերաբերվող բազմազան հարցեր՝ սկսած տարբեր ոլորտներում համագործակցությունից վերջացրած ինտեգրման գործընթացներով:

« Մեր երկրները շատ մոտ դաշնակիցներ են, մեր երկրները և մեր ժողովուրդները ծատ մոտ են իրար»,- նշել է Մեդվեդևը:

Հովիկ Աբրահամյանն, իր հերթին, նշել է, որ «ցանկանում է իր ռուսաստանցի կոլեգայի հետ քննարկել հայկական կողմի համար որոշ կարևոր հարցեր»:

Նշենք, որ երկու պաշտոնյաների ներկայությամբ Հայաստանի եւ Ռուսաստանի կառավարությունների միջև կնքվել է համաձայնագիր երկու երկրներում քաղաքացիների գտնվելու կարգի վերաբերյալ։