Մեր աշխատանքը ռիսկերի մեջ է. ԱԱԾ պաշտոնյան` Բագրատյանին

«Ծառուկյան» դաշինքի պատգամավոր Սերգեյ Բագրատյանը 2018 թվականի բյուջեի նախնական քննարկումների ժամանակ, դիմելով ԱԱԾ տնօրենի տեղակալ Արամ Հակոբյանին, նշեց, որ նա զեկույցի ժամանակ ասել է, թե 250 մլն դրամից ավելի կադրերի պատրաստմանն է հատկացվել, ապա հետաքրքրվեց. «Ռազմավարական ծրագրում նախատեսո՞ւմ եք, որ ՀՀ-ն  ունենա Անվտանգության ազգային դպրոց, դարբնոց»:

Հակոբյանը պատասխանեց, որ նման դպրոց գործում է այս պահին, բայց` փոքր կազմով: «Քանի որ մեր ունկնդիրների թիվը քիչ է լինում, նման կառույց պահելը ծանր է նստում պետության համար, դրա համար քիչ ունկդիրների, որոնք ընդգրկվում են տեղական ուսհաստատություններից, ուղարկում ենք 9 ամիս վերապատրաստումների, ու աշխատանքի են անցնում»,- ասաց նա:

Բագրատյանը հարցրեց` իսկ այդ դեպքում ռիսկեր չկա՞ն: ԱԱԾ պաշտոնյան պատասխանեց. «Մեր աշխատանքը ռիսկերի մեջ է»:

ԱԱԾ տնօրենի տեղակալի պատասխանը ներկաների հավանությանն արժանացավ: