ՀԱԿ-ում ամեն ինչ անում են, որ Բագրատյանին սատարողներ չլինեն.'' Հրապարակ''

ՀԱԿ-ում բավականին ծանր են տանում Հրանտ Բագրատյանի թեկնածությունը սատարելու թե' անհատական, թե' կուսակցական հայտարարությունները, փորձում են անել ամեն ինչ, որ դրանք հնարավորինս քիչ լինեն. գրում է «Հրապարակը»:

Այնտեղ ուշի ուշով սպասում են, թե ինչ հայտարարությամբ է հանդես գալու ոչ անհայտ, 2008-ին Տեր-Պետրոսյանին սատարելու իր հայտարարությամբ բեկում մտցրած Սասուն Միքայելյանը: Ու եթե մինչեւ վերջերս կարծում էին, թե հնարավոր կլինի Սասունին համոզել՝ Բագրատյանին չսատարել, ապա Ս. Միքայելյանի վերջերս հրապարակված հոդվածից հետո հասկացել են, որ դա  անխուսափելի է:

Ըստ թերթի ՀԱԿ աղբյուրների` Խաչիկ Քոքոբելյանի, Ալեքսանդր Արզումանյանի, Դավիթ Շահնազարյանի շարքը շուտով կլրացնի նաեւ Սասուն Միքայելյանը՝ հայտարարելով, որ ընտրելու է Հրանտ Բագրատյանին: