Իմ որդիներն էս երկրում ապրելու իրավունք չունե՞ն. Վարդան Հարությունյան

ՊԵԿ նախագահ Վարդան Հարությունյանն այսօր խորհրդարանում լրագրողների հետ զրույցում պնդեց, որ կառավարության տված արտոնություններից միայն իր որդիները չեն, որ օգտվել են։ «Արտոնություններ տրվում է բոլոր այն ընկերություններին, որոնք դիմում են համապատասխան մարմիններին»,- ասաց նա:

Հարցին` ինչպե՞ս է ստացվում, որ արտոնություններից հաճախ օգտվում են բարձրաստիճան պաշտոնյաների ընտանիքների անդամները կամ մտերիմները, ՊԵԿ նախագահը պատասխանեց. «Իսկ ո՞վ ասաց, որ պաշտոնյաներն իրավունք ունեն, պաշտոնյաների ազգականներն իրավունք չունեն: Սահմանափակում կա՞: Իմ որդիներն այգի կամ ջերմոց են կառուցում, պիտի չկառուցե՞ն, էս երկրում ապրելու իրավունք չունե՞ն»: