Ես արձակուրդ գնալու իրավունք չունե՞մ. Սամվել Բալասանյանն արդարանում է

Երեկ ոչ իշխանական ուժերի հանարահավաքին մասնակցում էր նաև Գյումրու քաղաքապետ Սամվել Բալասանյանը:

Սկզբում նա իր համախոհների հետ հրապարակի ձախ թևում էր, հանրահավաքի մեկնարկից որոշ ժամանակ անց միայն երևաց հարթակում` ԲՀԿ ղեկավար Գագիկ Ծառուկյանի կողքին:

Հանրահավաքի մեկնարկից առաջ yerkir.am-ը քաղաքապետից հետաքրքրվեց, թե ինչն էր պատճառը, որ եռյակի` Գյումրիում տեղի ունեցած հանրահավաքին Բալասանյանը չէր մասնակցում:

«Արձակուրդ գնալու իրավունք չունե՞մ»,-ասաց նա:

Հիշեցենք, որ Բալասանյանը չէր մասնակցել նաև եռյակի առաջին` հոկտեմբերի 10-ի հանրահավաքին:

Անդրադառնալով` եռյակի` հնարավոր իշխանափոխության առաջարկին, քաղաքապետը նշեց, որ դեռևս ոչինչ ասել չի կարող, իսկ վարչապետ Հովիկ Աբրահամյանի այն հայտարարությանը, թե յուրաքանչյուր իշխանափոխություն վատ բան է երկրի համար, Բալասանյանը նշեց, որ չի ցանկանում մեկնաբանել:

Մանրամասները` yerkir.am-ի տեսանյութում: