Այո, շատ ճիշտ է, որ հիմա բոլորը զորակոչվեն բանակ. Է. Շարմազանով

Այսօր ՀՀԿ ԳՄ նիստից հետո, ՀՀԿ խոսնակ Էդուարդ Շարմազանովը լրագրողների հետ զրույցում անդրադարձել է այս օրերին ԱԺ-ում քննարկվող և հասարակության շրջանում տարակարծությունների թեմա դարձած «Զինվորական ծառայության և զինծառայողների կարգավիճակի մասին» օրենքի նախագծին, որով սահմանափակումներ են նախատեսվում տարկետման իրավունքի մեջ:

Շարմազանովի խոսքով` պաշտպանության նախարար Վիգեն Սարգսյանի կողմից առաջ քաշած ազգ-բանակ գաղափարախոսությունը ոչ միայն կիրառելի է, այլ նաև արդիական է ու անհրաժեշտ հասարակության համար: «Ես եմ» և «Պատիվ ունեմ» ծրագրերը նույնես շատ արդիական են և միտված են ուժեղացնելու ԶՈՒ-ն:Դրանք այն նախագծերն են, որոնք բխում են պետության անվտանգության ու պաշտպանունակության շահերից:

«Այո, շատ ճիշտ է, որ հիմա բոլորը զորակոչվեն բանակ, որովհետև կան անհավասար պայմաններ: Ինչու՞ պետպատվեր չունեցող իրավաբանականի ուսանողը պետք է գնա ծառայի` 18 տարին լրանալուց հետո, իսկ նրանք, ովքեր պետպատվերով են, կարող են օգտվել տարկետումից:Ով ուզում է ուսումը շարունակել, կարող է միանալ «Պատիվ ունեմ» ծրագրին»,- ասաց Շարմազանովը: