Սուրբ Պողոս-Պետրոս վանքի մոտակայքում ավտոմեքենան շրջվել է

Հոկտեմբերի 25-ին, ժամը 16:07-ին ահազանգ է ստացվել, որ Աբովյան-Զառ ավտոճանապարհին՝ Սուրբ Պողոս-Պետրոս վանքի մոտակայքում, տեղի է ունեցել ՃՏՊ՝ ավտոմեքենա է շրջվել, տուժածներ չկան, առկա է գազի արտահոսք. անհրաժեշտ է փրկարարների օգնությունը:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ ВАЗ 2106 մակնիշի 35 FV 032 պետհամարանիշով ավտոմեքենան (վարորդ՝ Գ. Հ.) դուրս է եկել ավտոճանապարհի երթևեկելի հատվածից և շրջվել:

Մինչ փրկարարների՝ կանչի վայր հասնելը ուղևորներ՝ 1991 թ. ծնված Խ. Լ.-ը և 1982 թ. ծնված Կ. Զ.-ը հոսպիտալացվել են Աբովյան քաղաքի ԲԿ, որտեղ տուժածների առողջական վիճակը գնահատել են բավարար:

Փրկարարները հոսանքազրկել են ավտոմեքենան և դադարեցրել գազի արտահոսքը: