Այս ամենի մեղավորը ես եմ. Մխիթարյան

 ԱԱ-2018-ի ընտրական փուլի Հայաստան-Լեհաստան խաղից հետո լրագրողների հետ զրուցեց հավաքականի ավագ Հենրիխ Մխիթարյանը:

«Խնդիրները բազմաթիվ են: Չկա մի տեղ, որ ասես խնդիր չկա: Պետք է հետևություններ անենք, որ Ղազախստանի հետ  խաղին նույն սխալները չկչկնենք: Խոսքեր չկան ասելու:  

Հանդերձարանում շատ վատ մթնոլորտ էր: Ասում եմ՝ խոսքեր չկան ասելու:   Խայտառակ պարտություն էր, որի ամենամեծ մեղավորը ես եմ, քանի որ թիմի ավագն եմ: Ես եմ պատասխանատու այս թիմի համար ու այս պարտությունը վերցնում եմ ինձ վրա»: 

Անդրադառնլով  երկրպագուների թեմային Մխիթարյանն ասաց. «Շնորհակալություն այն մարդկանց, ովքեր եկան մեզ աջակցելու ու հավատում են մեզ:  Չենք կարող բոլորին գոհացնել: Ոչ բոլորը կարող են մեզ սիրել, մենք էլ ոչ բոլորին կարող ենք գոհացնել»,-ասաց Մխիթարյանը: