«Մոսկվա» առևտրի կենտրոնի մոտ բազմաթիվ ներգաղթյալներ են ձերբակալվել

Մոսկվայում  մի քանի հարյուր ներգաղթյալ փորձել է գրոհել «Մոսկվա» առևտրի կենտրոնը. գրում է Комсомольская правда-ն:

Մարդիկ պահանջել են իրենց հանձնել կենտրոնի անվտանգության աշխատակիցներին, որոնք, տեղեկությունների համաձայն, դաժան ծեծի են ենթարկել երիտասարդ տաջիկ բեռնակրի: Տղային ծեծի ենթարկելու մասին տեղեկությունը շատ արագ տարածվել է ներգաղթյալների շրջանում, և արդեն մի քանի ժամ անց առևտրի կենտրոնի մոտ հավաքվել է մոտ 300 մարդ: Ըստ պարբերականի` երբ ներկաներից մեկը բղավել է, որ տղան մահացել է, ամբոխը բարկացած սկսել է առևտրի կենտրոնի ուղությամբ նետել ինչ եղել է ձեռքի տակ: 

Անկարգություններից հետո դեպքի վայր է ժամանել ոստիկանությունը, լսվել են կրակոցներ, որից հետո սկսվել են ձերբակալություններ: Ձերբակալվել է մոտ 30 մարդ:

Հայտնի է, որ ծեծի ենթարկվածը մի քանի ժամ վերակենդանացման բաժանմունքում մնալուց հետո տեղափոխվել է հիվանդասենյակ: