Թուրքական դրոնը հարված է հասցրել Սիրիայում քրդական կազմավորումների անցակետին

Թուրքական ԱԹՍ-ն երկուշաբթի հարված է հասցրել Սիրիայի հյուսիս-արևելքում գտնվող Էլ Հասեքե նահանգում քրդական «Սիրիական ժողովրդավարական ուժեր» (SDF) խմբավորումների հետախուզական խմբի անցակետին և մեքենային: Այս մասին ՌԻԱ Նովոստիին հայտնել է տեղի աղբյուրը:

Նրա տվյալներով՝ հարձակման ենթարկված անցակետը գտնվում է Աշ-Շադդադի շրջանում, որտեղ գտնվում է նաև ամերիկյան ռազմաբազան: Անցակետի աշխատանքը վերսկսվել է հարվածից մի քանի ժամ անց, ճշտել Է աղբյուրը:

Սիրիայի սահմանամերձ տարածքում թուրքական ուժերի ներկայությունը, որոնք այնտեղ գործողություններ են իրականացնում քրդական կազմավորումների դեմ, Դամասկոսը բազմիցս անօրինական է անվանել՝ կոչ անելով Անկարային դուրս բերել զորքերը: