Ղարաբաղի հիմնախնդիրները հարկավոր է րոպե առաջ լուծել խաղաղ ճանապարհով. Չավուշօղլու

Թուրքիայի ԱԳ նախարար Մևլութ Չավուշօղլուն մասնակցել է Վրաստանի և Ադրբեջանի ԱԳ նախարարների հետ եռակողմ հանդիպմանը:

Ըստ Timeturk-ի՝ նախարարները հանդիպումից հետո մամուլի համատեղ ասուլիսով են հանդես եկել:

Չավուշօղլուն նշել է, որ հանդիպման ընթացքում քննարկել են այդ երկրների միջև հարաբերությունները, ինչպես նաև տարածաշրջանային մի շարք հարցեր: Նա տեղեկացրել է, որ Նյու Յորքում ՄԱԿ-ի Գլխավոր վեհաժողովի նիստում միասնաբար հանդես կգան Լեռնային Ղարաբաղին և Աբխազիային վերաբերող հարցերում:

«Մենք Նյու Յորքում միասին կընդգծենք, որ ինչպես Ղարաբաղի, այնպես էլ Աբխազիայի հիմնախնդիրները հարկավոր է րոպե առաջ լուծել խաղաղ ճանապարհով և երկու երկրների տարածքային ամբողջականության շրջանակներում»,- ասել է Չավուշօղլուն`  առանց կարգավորման մյուս բաղադրիչներին անդրադարձի: