Աբովյանում ավտոմեքենան շրջվել է

Օգոստոսի 29-ին, ժամը 17:54-ին տեղեկություն է ստացվել, որ Կոտայքի մարզի Աբովյան քաղաքի 3-րդ միկրոշրջանում՝ Մա Պլազա ժամանցի կենտրոնի մոտակայքում, Վազ-2121 մակնիշի ավտոմեքենան շրջվել է, տուժածներ չկան. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Հատիսի փողոցի թիվ 1/52 հասցեի մոտակայքում Վազ-2121 մակնիշի 18 OL 376 պետհամարանիշով (վարորդ՝ 1966 թ. ծնված Ռ. Ե.) ավտոմեքենան ճանապարհի երթևեկելի հատվածում շրջվել է, ինչի հետևանքով Ռ. Ե.-ը, մինչ փրկարարների կանչի վայր հասնելը, տարբեր աստիճանի մարմնական վնասվածքներով հոսպիտալացվել է Աբովյանի ԲԿ, որտեղ բժիշկները նրա առողջական վիճակը գնահատել են բավարար:

Մինչ փրկարարների՝ կանչի վայր հասնելը ավտոմեքենան տեղի ուժերով ուղղվել և դուրս է բերվել ճանապարհի երթևեկելի հատվածից:

Փրկարարներն իրականացրել են ճանապարհի մաքրման և լվացման աշխատանքներ։