Թուրքիան «թնդում է» հայտնի դերասանի և նրա հարազատ եղբոր դստեր սիրային կապի սկանդալից

Թուրքիան «թնդում է» նոր սկանդալից. բացահայտվել է Թուրքիայի ամենահայտնի դերասաններից և հաղորդավարներից մեկի` Մուրաթ Բաշօղլուի (49) և նրա հարազատ եղբոր դստեր՝ Բուրջու Բաշօղլուի (35) սիրային կապը:

Նշենք, որ Մուրաթ Բաշօղլուն 14 տարի է՝ ամուսնացած է, ունի երեխա: Ամուսնացած է նաև նրա զարմուհին:

Ըստ Hurriyet-ի՝ ամեն ինչ բացահայտվել է օրեր առաջ Բոդրումի հանգստյան գոտիներից մեկում արված լուսանկարի միջոցով, որում հայտնի դերասանը շքեղ նավում համբուրվում է մի շիկահերի հետ: Լուսանկարի՝ ամսագրերում լայնորեն տարածում գտնելուց հետո Բաշօղլուն հյուրընկալվել է հաղորդումներից մեկին՝ բացառապես հերքելով շիկահերի՝ նրա զարմուհին լինելու վերաբերյալ պնդումները:

«Սա ի՞նչ լրագրություն է: Ինչպե՞ս կարելի է նման անհիմն պնդում առաջ քաշել: Չէ՞ որ նա իմ հարազատ եղբոր աղջիկն է: Լուր ունենալու համար չպետք է նման հրապարակումներ անել»,- հայտարարել էր դերասանը՝ մեղադրելով լրագրողներին:

Միջադեպից օրեր անց իրականությունը պաշտոնապես հաստատվում է: Կողմերն այլևս չեն հերքում սկանդալը:

Ըստ որոշ տեղեկությունների՝ դերասանի ու նրա զարմուհու սիրային հարաբերությունը շարունակվում է մոտ 1.5 տարի: Սկանդալից հետո քայքայված ընտանիքների մասին շատ տեղեկություններ չկան: Հայտնի է, որ սիրեկանների ամուսինները դիմել են դատարան՝ պահանջելով դրամական խոշոր փոխհատուցում: 35-ամյա աղջկա հայրն իր հերթին վաճառքի է հանել իր տունը ու, ըստ հարևանների, առանց տեղեկացնելու, ընտանիքով անհետացել:

Այժմ քննարկվում է հայտնի դերասանին մինչև 15 տարի ազատազրկելու հարցը:

Թուրքիայում ընտանիքի և սոցիալական հարցերի նախարարությունը տեղյակ է սկանդալից և, ըստ կայքերի, պատրաստվում է միջամտել հարցին:

Նշենք, որ սպորտային ակումբը, որը հիմնել է Մուրաթ Բաշօղլուն, և որտեղ աշխատելիս են եղել նրա կինն ու զարմուհին, ինչպես նաև կինոարտադրող բոլոր ընկերությունները սկանդալից անմիջապես հետո խզել են իրենց կապերը դերասանի հետ: