ԱՄԷ-ում ձերբակալված ռեժիսոր Արիկ Մանուկյանի ընկերներն օգնության համար դիմել են Կադիրովին

Անօդաչու թռչող սարքով ապօրինի նկարահանումներ իրականացնելու մեղադրանքով հունիսին Արաբական Միացյալ Էմիրություններում ձերբակալված ռուսաստանցի ռեժիսոր Արիկ Մանուկյանի աջակցության խումբն օգնության խնդրանքով դիմել է Չեչնիայի ղեկավար Ռամզան Կադիրովին. հայտնում է РИА Новости-ն: Այդ մասին ասել է անձամբ Մանուկյանը:

Նրա խոսքով`կիրակի հանդիպում է կայացել ԱՄԷ-ի դատախազի հետ, ով հայտնել է, որ գործը շուտով դատարան է ուղարկվելու: Հստակ ամսաթիվը դեռ հայտնի չէ:

Մանուկյանի ձերբակալությունից հետո գործին միջամտել է ՌԴ դեսպանատունը, ինչից հետո Մանուկյանին ազատ են արձակել` երկրից չբացակայելու պայմանով: Նրան սպառնում է տուգանք կամ կալանք: